https://github.com/aldavigdis/samningur
Verktökusamningur fyrir forritara
https://github.com/aldavigdis/samningur
contracts legal
Last synced: 6 months ago
JSON representation
Verktökusamningur fyrir forritara
- Host: GitHub
- URL: https://github.com/aldavigdis/samningur
- Owner: aldavigdis
- License: other
- Created: 2018-09-17T22:57:15.000Z (almost 8 years ago)
- Default Branch: master
- Last Pushed: 2024-03-21T13:04:20.000Z (over 2 years ago)
- Last Synced: 2025-02-02T19:37:18.095Z (over 1 year ago)
- Topics: contracts, legal
- Homepage:
- Size: 55.7 KB
- Stars: 25
- Watchers: 1
- Forks: 1
- Open Issues: 0
-
Metadata Files:
- Readme: README.md
- Funding: .github/FUNDING.yml
Awesome Lists containing this project
README
# Verktökusamningur
## 1. Samningsaðilar
Samningur þessi er á milli verktaka (%nafn_verktaka%, %kennitala_verktaka% til heimilis að %heimilisfang_verktaka%) og verkkaupa (%nafn_verkkaupa%, %kennitala_verkkaupa% til heimilis að %heimilisfang_verkkaupa%). Tengiliður verkkaupa er %nafn_tengiliðs%. Tengiliður skal að jafnaði sjá um samskipti verkkaupa tengd verkinu og taka stjórnunarlegar ákvarðanir.
## 2. Vinnubrögð
### 2.1. Verksvið verktaka
Verktaki skal annast viðhald, þróun og hönnun tiltekins hugbúnaðar innan ramma markmiða og verklýsingar í samningi þessum og þeim skjölum sem honum fylgja.
### 2.2. Ábyrgð verkkaupa á verkáætlun
Verkkaupi samþykkir að um sé að ræða raunhæfa verkáætlun og greiðir fyrir unnar vinnustundir innan þess ramma sem sannarlega er lagt upp með.
### 2.3 Vinnusamband
Verktakinn er sjálfstæður verktaki, en ekki starfsmaður verkkaupa, og skal sá skilningur vera gagnkvæmur. Verktaki ræður sínum vinnutíma og hefur rétt á að vinna í öðrum verkefnum. Slíkt gildir einnig um þá sem vinna fyrir hönd verktaka sem undirverktakar.
### 2.4. Trúnaður
Báðir samningsaðilar, starfsmenn þeirra og undirverktaka hafa þagnarskyldu að því er varðar atvik eða málefni hjá hinum aðilanum, sem þeir hafa fengið vitneskju um vegna vinnu sinnar í sambandi við samning þennan og teljast vera trúnaðarmál. Þagnarskyldan gildir eftir lok samningsins.
### 2.5. Seinkanir
Samningsaðilar skulu láta vita um atriði eða aðstæður sem á að skilja að geti tafið framkvæmd verksins. Verktaki ber ekki ábyrgð á skaða eða tjóni sem tafir á verkinu geta valdið.
### 2.6. Skjölun
Skjölun skal vera nægjanleg til þess að hver sá sem hefur viðunandi þekkingu á því forritunarumhverfi sem er notað geti kynnt sér kerfið, bætt við eignleikum og lagað villur sem geta komið upp án beinnar aðkomu verktaka eftir að verkinu hefur verið skilað.
### 2.7. Gæði og ábyrgð
Verkkaupi samþykkir við lokagreiðslu að kerfið er afhent í því ástandi sem það er og að í því kunna að leynast gallar. Ekki er tekin ábyrgð á skaða eða tjóni sem hugbúnaðurinn kann að valda.
## 3. Samskipti og öryggi
### 3.1. Bindandi samskipti
Bindandi samskipti vegna verkefnisins skulu fara fram eða vera staðfest í gegn um tölvupóst eða með öðrum skriflegum og óvéfengjanlegum hætti. Samningsaðilar skulu að jafnaði bregðast við samskiptum innan tveggja virkra daga frá móttöku.
### 3.2. Háttvísi í samskiptum
Samningsaðilar, sem og þeir sem starfa fyrir þeirra hönd skulu gæta fyllstu háttvísi í samskiptum sín á milli.
### 3.3. Áætlaðir frídagar
Verkkaupi og verktaki skulu vera upplýstir um áætlaða frí- og orlofsdaga sem gætu haft áhrif á gang verksins. Verði tengiliður annars samningsaðila frá vinnu vegna orlofs eða ólaunaðs frí lengur en í viku í senn skal hann upplýsa tengilið hins samningsaðilans með nægjanlegum fyrirvara og skal þá vera gert samkomulag um hver taki við hlutverki tengiliðsins á meðan.
### 3.4 Öryggi verktaka
Verkkaupi skal tryggja öryggi verktaka m.t.t. líkamlegrar og andlegrar heilsu. Verkkaupi skal sérstaklega tryggja öryggi verktaka á ferðalögum tengdum verkinu.
### 3.5 Öryggi verkkaupa
Verktaki skal fara eftir þeim öryggisreglum sem setar eru á þeim stöðum og í þeim tölvukerfum þar sem verkið er unnið til jafns við starfsfólk og aðra verktaka. Verkkaupi skal jafnframt kynna verktaka þær öryggisreglur sem eru í gildi og séu slíkar reglur þungar í vöfum eða gerð krafa gerð um öryggisnámskeið eða próf þeim tengdum telst slíkt vera útseld vinna.
## 4. Greiðslur
### 4.1. Greiðslumáti
Að jafnaði skal notast við millifærslu á reikning eða með greiðslu kröfu í netbanka. Samningsaðilar geta þó komið sér saman um að nýta aðrar greiðsluleiðir. Kostnaður vegna millifræslu fellur á verkkaupa nema að samningsaðilar hafi komið sér saman um annað.
### 4.2. Vanskil
Verktaki áskilur sér rétt til að senda allar kröfur vegna verksins til þriðja aðila og innheimta hæstu mögulegu dráttarvexti, sem og annan kostnað standi verkkaupi ekki í skilum. Verktaka er ennfremur heimilt að fá utanaðkomandi aðila til að sjá um innheimtu fyrir sína hönd og fellur þá allur kostnaður vegna þess á verkkaupa og áskilur verktaki sér rétt til að vísa öllum samskiptum vegna uppgjörs og greiðslu krafna á þann aðila sem sér um innheimtu.
### 4.3. Fyrirframgreiðsla
Í upphafi verks skal verkkaupi greiða verktaka þriðjung samþykktar heildarupphæðar samningsins, sem gildir sem uppgjör vegna stjórnunarlegrar vinnu, sem og trygging.
### 4.4. Lokagreiðsla
Við lokagreiðslu öðlast verkkaupi rétt til notkunar á þeim hugverkum og afurðum sem unnin eru af verkkaupa og verða til í tengslum við samning þennan.
### 4.5. Mánaðarlegar greiðslur
Verktaki skrifar út reikning í lok mánaðar sem unnið er að verkinu og sendir til verkkaupa til greiðslu. Ætlast er til að greiðsla berist innan 5 virkra daga. Sé um lága fjárhæð að ræða geta samningsaðilar komið sér saman um að fresta greiðslu fram að næsta tímabili.
### 4.6. Tímagjald
Verkkaupi samþykkir tímagjald verktaka í gjaldmiðli sem samningsaðilar koma sér saman um. Samningsaðilar geta komið sér saman um að endurskoða tímagjaldið innan gildistíma samningsins með m.t.t. verðlags og gegnissveiflna.
### 4.7. Dagpeningar
Samningsaðilar koma sér skulu saman um fyrirkomulag dagpeninga á meðan verkinu stendur og skal þá tekið tillit til þeirra upphæða sem ICSC (International Civil Service Commision) miðar við.
### 4.8 Ferðakostnaður
Verktaki og verkkaupi koma sér saman um fyrirkomulag ferðakostnaðar. Verktaki getur lagt út út fyrir ferðakostnaði sé þess kostur og fær þá greitt fyrir þeim útlagða kostnaði. Að öðrum kosti getur verkkaupi lagt út fyrir ferðakostnaði. Miðað skal við sveigjanlegt fargjald með fullri farangursheimild á almennu farrými (s.s. Icelandair Economy Flex og Deutsche Bahn Flexpreis) í ferðum innan Evrópu. Séu ferðalög lengri en 4 klst. aðra leið skal það vera eftir nánara samkomulagi.
## 5. Efni, gögn og aðstaða frá verkkaupa
Verkkaupi skal að jafnaði útvega og eiga fullnægjandi leyfi fyrir viðeigandi hugbúnaði og fullnægjandi vefhýsingu, dulkóðunarvottorð, dulkóðunarlykla, hugbúnað, leturgerðir, grafík, ljósmyndir, sem og önnur hugverk og sérhæfðan búnað og leggja út fyrir slíkum kostnaði í sínu nafni og á sinn reikning.
## 6. Óviðráðanlegar ástæður (Force Majeure)
Verði annar hvor samningsaðila fyrir hindrunum við að uppfylla samningsskyldur sínar gagnvart hinum aðilanum af ástæðum, sem honum eru óviðráðanlegar (Force Majeure) frestast viðkomandi skyldur til þess tíma er hindranirnar eru afstaðnar og samningsaðilar geta uppfyllt samningsskyldur sínar. Standi hindrun lengur en í 30 daga getur gagnaðil sagt upp samningi þessum, en hvorugur samningsaðila á þá kröfu á hendur hinum umfram útlagðan kostnað verktaka.
## 7. Fylgiskjöl
Með samningi þessum fylgir verktilboð eða önnur gögn þar sem verkefninu sjálfu, markmiðum, skilgreiningu á verklokum og öðru því sem tengist verkinu er lýst nánar. Samningsaðilar skulu líta á verktilboðið og/eða verklýsingu sem fylgiskjöl þessa samnings.
## Undirskriftir
### Verktaki:
Staður, dags., og nafn
### F.h. verkkaupa:
Staður, dags., og nafn